Anatomy Lower Limb

 هبدأ معاكم سلسلة بوستات صغيرة نشرح فيها كل ما يخص تيكنيك Mulligan من الالف للياء ..

بس قبل اي حاجة الموضوع هيتعمل فيه مجهود فوق الوصف علشان يوصلكم بالطريقة دي وهيضيع فيه وقت كبير مني ، فا اتمني يوصل يوصل لاكبر عدد من الناس وكل اللي يشوف البوستات يعرفنا انها وصلتله والدنيا تمام ، ولازم تتابعوا سلسلة البوستات علشان تفهموا الموضوع من الاول للاخر ، خلونا نبدأ ونشوف ..

فكرة Mulligan بكل بساطة هو عبارة عن Mobilization with Movement ، بمعني ان المريض بيعمل الحركة عادي سواء في Flexion او Extension او Side-bending وفي نفس الوقت انت عامل ليه Mobilization وناخد بالنا نه لازم يكون في نفس الوقت .

بيجيلك المريض مش عارف يعمل Flexion مثلا وكل ما يجي يعمل Flexion يحصله وجع في الفقرات ، فا انت عدلتله الفقرة اللي فيها مشكلة وطلبت منه يعمل flexion وانت عادلها فا لقيت ان الوجع راح والحركة اتظبطت , ولو بتعمل التكنيك في Peripheral joint هيبقي نفس الكلام بتعدل ال Joint في وضع معين فا بيقدر يعمل الحركة اللي مكانش بيعرف يعملها بسبب الالم .

دي فكرة Mulligan سريعة بكل بساطة ولسه هنشرح بتتعمل ازاي في كل joint بعدين .. 

موليجان علشان يتم بيبقي ليه شوية قواعد كدا : 

1- وانت بتطبق التكنيك ع العيان ميكونش Painful ، يعني لو جيت عدلت الفقرة وطلبت من المريض يعمل الحركة ولسه فيه وجع يبقي انت كدا بتطبق الحركة غلط او في Level غلط في الفقرات تروح علي فقرة تانية وتطبق التكنيك . 

2- ممكن يتعمل من Weight Bearing Position او من Non-weight Bearing Position وهنقول ازاي بعدين . 

3- لازم تبقي مفهم المريض الموضوع ويقولك علي طول لو فيه وجع . 

4- المريض لازم يخف حالا علشان تقدر تقول ان التكنيك نجح واتعمل تمام ولو دا محصلش يبقي فيه حاجة غلط في التطبيق . 

5- المفروض المريض يفضل فترة طويلة مستريح والالم ميرجعش تاني . 

6- وانت بتعدل الفقرة مثلا متشيلش ايدك من عليها خالص من اول ما تعدلها او تعملها Glide لحد ما المريض يعمل الحركة اللي كانت بتوجعه بعدد المرات اللي هنقول عليه بعدين . 

عدد المرات اللي هتعمل فيها التيكنيك : 

1- لو الحالة عندها مشكلة في ال Spine يبقي اول جلسة 3 مرات بس والجلسات اللي بعد كدا 7 مرات في 3 مجموعات . 

2- لو الحالة عندها مشكلة في ال Peripheral Joints يبقي اول جلسة 6 مرات في 3 مجموعات والجلسات اللي بعد كدا 10 مرات في 3 مجموعات .

طيب تطبيق التكنيك نفسه ع الجسم كله هيبقي ازاي ؟ دا اللي هنبدأ نشرحه في البوستات الجاية . 

دي مجرد البداية ومقدمة عن الموضوع علشان نقدر نفهم فكرة التيكنيك مع بعض من الاول خالص ..

حابين الفكرة وحابين نكمل بنفس الطريقة ؟؟

اعملوا Follow للاكونت علشان يوصلكم كل بوست من سلسلة البوستات اول ما ينزل فورا : Ahmed Saeed 

#Mulligan_Technique