Anatomy Lower Limb

 لما يكون فيه بوست صغير وفيه معلومات مفيدة زي دي يبقي مينفعش نعديه من غير ما نستفيد بيها ..

زي ما اتفقنا هعمل معاكم سلسلة بوستات صغيرة نشرح فيها كل ما يخص تيكنيك Mulligan من الالف للياء ..

فا ياريت كل اللي يشوف البوستات يعرفنا انها وصلتله والدنيا تمام ، الموضوع بيتعمل فيه مجهود ووقت كبير فا عرفونا لو حابين نكمل ..

في البوست دا هنشرح ازاي تحط ايدك علشان تطبق تكنيك Mulligan في العيانين اللي عندهم Pain او Limitation او مشكلة عموما في منطقة ال Thoracic ، وهنشرح فكرة التكنيك نفسه ويتعمل امتي ..

عيان ال Thoracic اشهر حاجة بتتعمل معاه حاجة اسمها SNAGs ، طب ايه التكنيك دا او بيتطبق ازاي وامتي ؟

اولا التكنيك دا عبارة عن :

1- SNAGs to Increase Flexion. 

دا بيستخدم لو المريض وهو بيعمل Flexion فيه Pain او Limitation في الحركة .

2- SNAGs to Increase Extension. 

دا بيستخدم لو المريض وهو بيعمل Extension فيه Pain او Limitation في الحركة .

3- SNAGs to Increase Side-bending. 

دا بيستخدم لو المريض وهو بيعمل Side-bending فيه Pain او Limitation في الحركة .

- اذا نستنتج من اللي فات دا ان تكنيك موليجان بيتعمل في الاتجاه اللي فيه الالم او ال Pain ولازم وانت شغال ال Pain في الاتجاه دا يقل .

طب بيتعمل ازاي SNAGs دا لعيانين ال Thoracic ؟

1- بتحدد الفقرة اللي فيها الالم .

2- بتحط ايدك بنفس الوضع اللي في الصورة اللي علي اليمين يعني بتحط ايدك من ناحية ال Hypothenar كدا علي الفقرة بالظبط .

3- بتعمل حاجة اسمها Glide Cranially يعني بتزق ايدك من علي الفقرة وترفع ايدك ناحية ال Cranial او ال Skull في اتجاه عمودي زي ما السهم في الصورة مبينلك كدا ..

5- لو الالم في ال Center بتحط ايدك في النص علي ال Spinous Process بتاع الفقرة زي الصورة اللي علي اليمين كدا .

6- لو الالم Unilateral يعني في جنب واحد من الضهر بتحط ايدك علي ال Transverse Process يعني جنب ال Spinous process ب 3 Cm كدا زي الصورة اللي علي الشمال بالظبط .

7- بعد ما تحط ايدك وتعمل ال Glide لفوق اللي احنا اتفقنا عليه بتفضل مثبت ايدك في الوضع دا وتفضل محافظ ع ال Glide ظا .

 8- وانت رافع ايدك لفوق وعامل ال Glide بتطلب من المريض انه يعمل الحركة اللي وهو كان بيعملها بيلاقي Pain او Limitation فيها سواء Flexion او Extension او Side-bending .

9- خلاصة كل اللي فوق بتحط ايدك ع الفقرة تعمل Glide ناحية ال Skull وتفضل محافظ علي ايدك ف الوضع دا وتطلب من المريض يعمل الحركة اللي كان فيها مشكلة .

10- لما نيجي نعمل التكنيك لازم الالم يقل فورا .

11- لو مقلش يبقي تجرب level تاني من الفقرات يعني تحط ايدك علي فقرة تانية وتجرب تاني .

في البوست الجاي هنكمل باقي ال Techniques الخاصة ب Mulligan من الالف للياء .

حابين الفكرة وحابين نكمل بنفس الطريقة ؟؟

#Mulligan_Technique